Friday, March 25, 2011

ឆក់កាបូប​ប្រាក់​ពី​បុរី​កីឡា​ព្រហ្មទណ្ឌ​​កម្រិត​ធ្ងន់​ដេញ​​ចាប់ដល់​ពោធិចិនតុង

http://img.kohsantepheapdaily.com.kh/2011/3/300-016d07ad-e92f-457c-ac8b-29a76e301427.jpg
រាជធានីភ្នំពេញ ៖ ​យុវជន​​​សង្ស័យ​២នាក់​ត្រូវ​​​សមត្ថកិច្ច​​អះអាង​ថា ​ពួកគេ​បានធ្វើស​កម្ម​ភាព​ឆក់​កាបូប​​ប្រាក់ពីជន​​រងគ្រោះ​អ្នកធ្វើ​ដំណើរ​​ ត្រង់​ចំណុច​​ក្បែរ​​បុរីកីឡា ​ក្នុង​សង្កាត់​វាល​វង់ ​កាល​ពី​វេលាម៉ោង​​​៣​​​រសៀលថ្ងៃទី​​២២ មីនា ត្រូវ​បាន​​កម្លាំង​​​​ល្បាត​នគរបាល​ការិយាល័យ​​ព្រហ្ម​ទណ្ឌ​កម្រិត​​​ ធ្ងន់រាជធានីភ្នំពេញ​ដេញ​តាម​ប្រមាញ់​​​​​​​ដល់​មុខ​អាកាស​យានដ្ឋាន​​​ អន្តរជាតិ​​ភ្នំពេញ ទើប​​ចាប់​បាន ព្រម​ទាំង​​​ដក​ហូត​​វត្ថុតាង​​កាបូប​​របស់​ជន​រង​​គ្រោះ​​បាន​​មក​​​វិញ​ផង ។
ជនសង្ស័យ​​ម្នាក់ឈ្មោះ​​​​ឈាង វណ្ណ​លីន ​អាយុ​​​១៩​ឆ្នាំ ​​ទីលំនៅ​​ផ្ទះ​គ្មាន​លេខ​ ផ្លូវ​​លំ សង្កាត់​ភ្នំ​ពេញថ្មី ​ខណ្ឌ​សែនសុខ ​រាជធានីភ្នំពេញ ​​និង​ម្នាក់​​ទៀត​ឈ្មោះ​​​ហាច សំណាង អាយុ​១៩​ឆ្នាំ ​ដូច​គ្នា មាន​អាសយ​ដ្ឋាន​នៅ​ភូមិ​​​តាងួន សង្កាត់​កា​កាប ​ខណ្ឌ​ដង្កោ ​រាជធានីភ្នំពេញ ។
ទាក់ទិន​នឹង​​ការ​ឃាត់ខ្លួន​​យុវជន​​២នាក់​ខាង​លើ ​លោកវរសេនីយ៍​ទោ​ជួន ណារិន្ទ ​ប្រធាន​ការិ​យា​​ល័យ​​នគរបាល​​ព្រហ្មទណ្ឌ​​​កម្រិត​ធ្ងន់​​​រាជធានី​ ភ្នំពេញ ​បាន​ឱ្យ​​ដឹង​ថា ​មុនឈាន​​ទៅឃាត់ខ្លួន​​ជន​សង្ស័យ ​​កម្លាំង​​ល្បាត​​តាមគោលដៅ​​របស់ការិ​យា​​ល័យ​​​​ព្រហ្មទណ្ឌ​​កម្រិត​ធ្ងន់ ​បានដើរ​ល្បាត​ ​នៅ​ក្នុង​​ភូមិ​​សាស្ត្រ​​​សង្កាត់​បឹង​សាឡាង ​ខណ្ឌ​ទួល​គោក ។​​ ពេលកម្លាំង​​យើង​​​កំពុង​ដើរ​ល្បាត​​​ទទួល​បាន​​​ព័ត៌​មាន​​តាមវិទ្យុ​ទាក់ទ ​ង​ថា មានករណី​ចោរ​ឆក់​កា​បូប​ពី​ជនរងគ្រោះ​នៅ​ក្នុង​សង្កាត់​​វាល​វង់​​​ ខណ្ឌ​៧​មករា ​ដោយ​ក្នុង​អំពើ​ឆក់​នោះ​ជន​ល្មើស​មាន​​បក្ស​ពួក​​​២នាក់​ជិះម៉ូតូ​ម៉ាក​ ស្មាស់ ពណ៌ខៀវ ពាក់​ស្លាក​លេខ ភ្នំពេញ 1AX-4085 ពីនារី​ម្នាក់​កំពុង​​ជិះម៉ូតូ​​ឌុប នៅ​មុខ​​មន្ទីរ​​​​​សាធារណ​ការ​ក្បែរ​បុរី​កីឡា ។
លោកវរសេនីយ៍​ទោ​​ជួន ណារិន្ទ ​បាន​​បន្ត​ថា ​ពេល​ទទួលបាន​ព័ត៌​មាន​​អំពី​ករណី​ឆក់​​កាបូប​​នោះ លោក​បាន​បញ្ជា​​ឱ្យ​​កម្លាំង​​ល្បាត​​គ្រប់​គោលដៅ​​តាមប្រមាញ់​​​ស្ទាក់​ ចាប់​ជន​សង្ស័យ​​​ខាងលើ​ឱ្យ​​ខាង​តែ​បាន ​ដោយ​មាន​ការ​ជំរុញ​​​បន្ទាន់ពី​​លោក​ស្នងការ​​ និង​ស្នងការ​​រង​ទទួល​​បន្ទុក​ការងារ​ព្រហ្ម​ទ​ណ្ឌ​​​​ផង ។​ ជា​​​លទ្ធ​ផល ​កម្លាំង​យើង​បានដេញ​​ចាប់ខ្លួន​​បាន​​ម្នាក់នៅ​ចំណុច​​មុខ​​ស្ថានីយ​ ទូរទស្សន៍​​អាស៊ី​អាគ្នេយ៍​​ ដែល​ជន​នោះ​លោត​ចុះ​ពីម៉ូតូ​​​​និង​ម្នាក់​​ទៀត​ព្យាយាម​ជិះ​ម៉ូតូ​​គេ​ច​ រត់​ទៅដល់​មុខ​អាកាស​យាន​ដ្ឋាន​​​អន្តរ​ជាតិ​​ភ្នំពេញ​ ទើប​​​​ចាប់​បាន​ទាំង​មនុស្ស និង​​ម៉ូតូ ​ព្រមទាំង​​​ដក​ហូត​បាន​​កាបូប​ប្រាក់​​​របស់​ជន​រង​គ្រោះ​​​ផង ។
ក្រោយពី​ឃាត់ខ្លួន​ជនសង្ស័យ​​​ត្រូវ​បាន​បញ្ជូន​​ ទៅកាន់​ការិយាល័យ​​នគរបាល​ព្រហ្មទណ្ឌ​​​កម្រិត​​ធ្ងន់ ដើម្បីធ្វើ​ការ​សាកសួរ​​យក​​​ចម្លើយ​​​​សម្រាប់​​នាំ​ខ្លួន​​ឡើង​តុលាការ រួមមាន​វត្ថុតាង​​ម៉ូតូស្មាស់​​ ធ្វើ​សកម្មភាព​​១គ្រឿង កាបូប​ដៃ​​ពណ៌​ផ្កាឈូក​១​របស់​​ជនរងគ្រោះ​​ដែល​ក្នុងនោះ​មានលុយ​ចំនួន​​​ ១៦.០០០​រៀល ​។ ជនសង្ស័យ​​ត្រូវ​បាន​​​សមត្ថ​កិច្ច​​​កសាង​​​សំណុំរឿង​​បញ្ជូន​ទៅកាន់​សាលា​ ដំបូង​​រាជធានីភ្នំពេញ ​ដោយចោទប្រកាន់​ពី​​បទ​លួច​មាន​​​​ស្ថានទម្ងន់​​ទោស ​(ឆក់កាបូប​​ប្រាក់) ​ដើម្បី​ឱ្យ​​​តំណាង​​អយ្យ​ការ​​​ចោទប្រកាន់​​ជាផ្លូវការ​​ និង​ត្រូវ​ឃុំខ្លួន​​​ដាក់ពន្ធនាគារ​​​ជា​បណ្តោះ​អាសន្ន​​រង់​ចាំ​ការ​ វិនិច្ឆ័យទោស ៕

និស្សិត​ន័រ​តុន​ស្វែង​យល់​សំណង់​ក្រសួង​ការ​បរ​ទេស

http://img.kohsantepheapdaily.com.kh/2011/3/300-ea481cfe-b060-4424-b09d-d7dc306608ca.jpg
រាជ​ធានី​ភ្នំពេញ ៖ និស្សិត​ផ្នែក​ស្ថាបត្យ​កម្ម​របស់​សាកល​វិទ្យា​ល័យ​ន័រ​តុន​ជា​ច្រើន​នាក់​ បាន​ចុះ​ធ្វើ​​ទស្សន​​កិច្ច​សិក្សា​ស្វែង​យល់​អំពី​សំណង់​អគារ​ក្រសួង​ការ​ បរ​ទេស។ ពិធី​នោះ​​ធ្វើ​ឡើង​ក្រោម​អធិ​បតី​ភាព​លោក​ភឿង សុភ័ណ្ឌ រដ្ឋ​លេខា​ធិការ​ក្រសួង​​រៀបចំ​ដែនដី​ នគរូបនីយ​កម្ម និង​សំណង់ កាល​ពី​ថ្ងៃ​ទី​២៣ មីនា កន្លង​មក​។
នៅ​ក្នុង​កិច្ច​​សម្ភាសន៍​ដាច់​ដោយ​ឡែក​មួយ​ លោក​ភឿង សុភ័ណ្ឌ ​ថ្លែង​ថា ដំណើរ​ទស្សន​កិច្ច​សិក្សា​របស់​ក្រុម​និស្សិត​សាកល​វិទ្យា​ល័យ​ន័រ​តុន​ ផ្នែក​ស្ថាបត្យ​កម្ម​ គឺ​ដើម្បី​ស្វែង​យល់​អំពី​គម្រោង​ប្លង់​ស្ថាបត្យ​កម្ម​នៃ​អគារ​សាធា​រណៈ អគារ​ដែល​ជា​ស្ថាប័ន​របស់​រដ្ឋ ដើម្បី​ឱ្យ​និស្សិត​​ទាំង​នោះ​យល់​កាន់​តែ​ច្បាស់​ថា ទស្សនៈ​ស្ថាបត្យ​កម្ម​មុន​នឹង​បង្កើត​បាន​សំណង់​មួយ គឺ​គេ​ត្រូវ​បង្កើត​គម្រោង​ស្ថាបត្យ​កម្ម​ជា​មុន​សិន។ មុន​បង្កើត​បាន​គម្រោង​ស្ថាបត្យ​កម្ម គឺ​គេ​ត្រូវ​បង្កើត​ទស្សនៈ​ស្ថាបត្យ​កម្ម​មុន​គម្រោង​នេះ​ទៅ​ទៀត។ ការ​បង្កើត​គម្រោង​ស្ថាបត្យ​កម្ម​ គឺ​គេ​ត្រូវ​ពិចារណា​ទៅ​លើ​ផល​ប្រយោជន៍​ និង​តួនាទី​របស់​អគារ​ និង​ផល​ប្រយោជន៍​ចំពោះ​មុខ​ជន​បរ​ទេស​ចូល​មក​បម្រើ​ការ​នៅ​ក្នុង​​ក្រសួង​ផង ​ដែរ ដើម្បី​បង្ហាញ​អំពី​វប្ប​ធម៌​ជាតិ​យើង ពីព្រោះ​កម្ពុជា​កំពុង​តែ​ចាប់​ផ្តើម​រីក​ចម្រើន។ ជា​ពិសេស​វិស័យ​សំណង់​កំពុង​ក្លាយ​ជា​វិស័យ​ចំណូល​ទី៤ បន្ទាប់​ពី​ទេស​ចរណ៍ វាយន​ភណ្ឌ និង​កសិ​កម្ម និង​សំណង់។ នៅ​ថ្ងៃ​ទី​១, ២ និងទី៣ ខែ​មេសា ខាង​មុខ​នេះ កម្ពុជា​នឹង​រៀបចំ​តាំង​ពិព័រណ៍​លើ​វិស័យ​សំណង់​ដ៏​ធំ​មួយ​នៅ​កោះ​ពេជ្រ ក្រោម​ការ​ចូល​រួម​ពី​លោក​រដ្ឋ​មន្ត្រី​ក្រសួង​រៀបចំ​ដែនដី​ នគរូប​នីយ​កម្ម និង​សំណង់ អឹុម ឈុន​លឹម ដើម្បី​ជំរុញ​វិស័យ​សំណង់​ឱ្យ​កាន់​តែ​រីក​ចម្រើន​ឡើង​នៅ​កម្ពុជា។
លោក​ភឿង សុភ័ណ្ឌ បញ្ជាក់​ថា កាល​ពី​ឆ្នាំ​២០១០ វិស័យ​សំណង់​នៅ​កម្ពុជា​បាន​ធ្លាក់​ចុះ​ដោយ​សារ​តែ​វិបត្តិ​សេដ្ឋ​កិច្ច​ ពិភព​លោក។ ប៉ុន្តែ​ឆ្នាំ​នេះ វិស័យ​សំណង់​នៅ​កម្ពុជា​បាន​ឡើង​ជាង​៥០%​ហើយ។ ដូច្នេះ​ហើយ​ទើប​នាំ​និស្សិត​ស្ថាបត្យ​កម្ម​របស់​សាកល​វិទ្យា​ល័យ​ន័រ​តុន​ ឱ្យ​មក​ស្វែង​យល់​អំពី​ស្ថាបត្យ​កម្ម​ខ្មែរ ដើម្បី​ធ្វើ​យ៉ាង​ណា​ឱ្យ​ស្ថាបត្យ​កម្ម​ខ្មែរ​មាន​លក្ខណៈ​ទំនើប​កម្ម​នៅ​​ ថ្ងៃ​អនា​គត៕

ប៉េអឹម និង​ប៉ូលិស​ខណ្ឌ​សែន​សុខ​ចាប់​ក្រុម​ជន​ជួញ​ដូរ​ថ្នាំ​ញៀន

http://img.kohsantepheapdaily.com.kh/2011/3/300-e642aa6a-0517-4d7f-b859-8e3ccd08784a.jpg
រាជ​ធានី​ភ្នំពេញ ៖ បន្ទាប់​ពី​កង​រាជ​អាវុធ​ហត្ថ​ខណ្ឌ​​ស្រាវ​ជ្រាវ​ចាប់​ពួក​ជួញ​ដូរ​​គ្រឿង​ ញៀន​បាន​២​នាក់​កាល​ពី​ថ្ងៃ​ទី​១៥ មីនា ​នៅ​ផ្ទះ​លក់​កាហ្វេ​មួយ​​ស្ថិត​នៅ​ភូមិ​ឌួង សង្កាត់​ព្រែក​ព្នៅ​នោះ នៅ​ថ្ងៃ​ទី​២២ មីនា ប៉ូលិស​​ខណ្ឌ​សែន​សុខ ​តាម​​ស្រាវ​ជ្រាវ​បន្ត​​រហូត​ឃាត់​ខ្លួន​អ្នក​ជួញ​ដូរ​ និង​ប្រើ​ប្រាស់​គ្រឿង​ញៀន​ចំនួន​២​នាក់​ទៀត ​ព្រម​ទាំង​ដក​ហូត​បាន​ថ្នាំ​ញៀន និង​ឧបករណ៍​សម្រាប់​ជក់​ថ្នាំ​ញៀន​មួយ​ចំនួន។
យោង​តាម​របាយ​ការណ៍​របស់​ប៉ូលិស​ខណ្ឌ​សែន​សុខ​ឱ្យ​ដឹង ​ថា នៅ​ថ្ងៃ​ទី​១៥ មីនា ឆ្នាំ​២០១១ ​ក្រោម​ការ​ដឹក​នាំ​របស់​លោក​ព្រះ​រាជ​អាជ្ញា​រង​អម​សាលា​ដំបូង​រាជ​ធានី​ ភ្នំពេញ សុខ រឿន គណៈ​បញ្ជា​ការ​ឯក​ភាព​ខណ្ឌ​សែន​សុខ បាន​​ទៅ​​ផ្ទះ​លក់​កាហ្វេ​មួយ​​ស្ថិត​នៅ​ភូមិ​ឌួង សង្កាត់​ព្រែក​ព្នៅ ​ឃាត់​ខ្លួន​អ្នក​ប្រើ​ប្រាស់​ថ្នាំ​ញៀន​២​នាក់​ ​ឈ្មោះ​ផល សីវា និង​​ឈ្មោះ​សំ ចុង ​រួច​ប្រគល់​ទៅ​ឱ្យ​កង​រាជ​អាវុធ​ហត្ថ​ខណ្ឌ។
ឈ្មោះ​ផល សីវា សារ​ភាព​ថា​​ ​គេ​ទិញ​ថ្នាំ​ញៀន​ពី​ឈ្មោះ​ឡា យ៉ាំង​ឌែក ភេទ​ប្រុស អាយុ​២៥​ឆ្នាំ ​​ជន​ជាតិ​វៀត​ណាម ​ជា​​កម្ម​ករ មាន​ទីលំនៅ​​ក្នុង​ភូមិ​ក្រួស សង្កាត់​សំរោង ខណ្ឌ​សែន​សុខ ​ដូច្នេះ​នៅ​ថ្ងៃ​ទី​២២ មីនា ​វេលា​ម៉ោង​២២​និង​៣០​នាទី ​សមត្ថ​កិច្ច​បាន​​ឃាត់​ខ្លួន​​ឈ្មោះ​ឡា យ៉ាំង​ឌែក ទៀត។
​សមត្ថ​កិច្ច​ឱ្យ​ដឹង​ថា ឈ្មោះ​ឡា យ៉ាំង​ឌែក ​សារ​​ភាព​ថា ​គេ​ទិញ​​ថ្នាំ​ញៀន​បន្ត​ពី​ឈ្មោះ​ប៊ុន សុវណ្ណ ហៅ​វ៉ាត ភេទ​ប្រុស អាយុ​២៦​ឆ្នាំ ​រស់​នៅ​ក្រុម​ទី១៤ ភូមិ​ផ្សារ​តូច សង្កាត់​ទួល​សង្កែ ខណ្ឌ​ប្ញស្សី​កែវ ​ជា​កម្ម​ករ​រោង​ចក្រ ដូច្នេះ​ហើយ​សមត្ថ​កិច្ច​ទៅ​ចាប់​ខ្លួន​​ឈ្មោះ​ប៊ុន សុវណ្ណ ទៀត។ ​ជន​សង្ស័យ​​ទាំង​២​នាក់​​នោះ​កំពុង​​ឃុំ​ខ្លួន​នៅ​អធិ​ការ​ដ្ឋាន​នគរ​បាល​ ខណ្ឌ​សែន​សុខ ដើម្បី​ចាត់​ការ​បន្ត​តាម​នីតិវិធី​ច្បាប់៕

ថៅ​កែ​លក់​សំបក​កង់​រថយន្ត​ត្រូវ​ចាប់​ខ្លួន​ពីបទ​បង្ករបួស​ស្នាម

ខេត្ត​កណ្តាល ៖ ថៅ​កែ​​លក់​សំបក​កង់​រថ​យន្ត​ម្នាក់​នៅ​ក្រុង​តា​ខ្មៅ​​ត្រូវ​កង​រាជ​អាវុធ​ ហត្ថ​ខេត្ត​កណ្តាល​នាំ​ខ្លួន​តាម​អំណាច​របស់​តុលា​ការ​ខេត្ត​កណ្តាល កាលពី​វេលា​ម៉ោង​១១ព្រឹក​ថ្ងៃទី​២៣ មីនា ​ពី​បទ​បង្ក​របួស​ស្នាម​ដោយ​ចេតនា ។ មន្ត្រី​កង​រាជ​អាវុធហត្ថ​​ខេត្ត​កណ្តាល​​​ឱ្យ​ដឹង​ថា ជន​សង្ស័យ​ឈ្មោះឈាន ​សុខែម ភេទ​ប្រុស ​អាយុ​៤៦​ឆ្នាំ ​រស់នៅភូមិតា​ខ្មៅ សង្កាត់​តាខ្មៅ ​ក្រុង​តា​ខ្មៅ ។
ជន​សង្ស័យ​នោះ​បង្ក​របួស​ស្នាម​ដោយ​ចេតនា​កាលពីថ្ងៃទី ​១៩ កញ្ញា ឆ្នាំ​២០១០ នៅ​ភូមិ​តា​ខ្មៅ ​។ តុលាការ​បាន​ចេញដីកាបង្គាប់​ឱ្យ​ឈ្មោះ​ឈាន សុខែម និង​ឈ្មោះ​សួន ​ភារម្យ ​ភេទ​ប្រុស ជាជន​រងគ្រោះ​ចូលខ្លួន​​ទៅ​បំភ្លឺ​កាលពី​ថ្ងៃទី៣១ មករា ឆ្នាំ​២០១១ ​ប៉ុន្តែ​​ជន​សង្ស័យ​មិន​ចូល​ខ្លួន ទើប​ត្រូវ​តុលា​ការ​ចេញ​ដីកា​​បង្គាប់​ឱ្យនាំ​ខ្លួន​ចុះថ្ងៃទី១៥ មីនា ឆ្នាំ​២០១១ ​ចេញ​ដោយ​លោកហុក វ៉ាន់​ធីណា ចៅ​ក្រម​ស៊ើប​សួរ​​នៃ​សាលា​​ដំបូង​ខេត្ត​កណ្តាល ។ 
មន្ត្រី​អាវុធ​ហត្ថ​ខេត្ត​ឱ្យ​ដឹង​ពីមូលហេតុ​រហូត​ឈាន ​​ដល់​ការ​ប្តឹង​ប្តល់​គ្នានោះថា ​កាលពី​យប់​ថ្ងៃទី១៩ កញ្ញា ​ឆ្នាំ​២០១០ ឈ្មោះ​ឈាន សុខែម មកពីផឹក​ស្រា​​វិញ​​ស្រវឹង​ហៅ​ប្រពន្ធ​​ឱ្យ​បើក​ទ្វារ​ផ្ទះ​ ប៉ុន្តែ​ប្រពន្ធ​មិនបើក​​ឱ្យ​ចូល​ ក៏​យកដុំ​ថ្មគប់​ទ្វារ​ផ្ទះ ។ ដុំ​ថ្ម​បាន​ខ្ទាត​ទៅ​​ប៉ះ​រថយន្ត​របស់ឈ្មោះ​សួន ភារម្យ ដែល​ជា​អ្នកនៅផ្ទះ​ជិត​ខាង​គ្នា បណ្តាល​​ឱ្យ​ក្រពឹត​ជញ្ជាំង​ ។ ឈ្មោះ​សួន ភារម្យ បាន​​ចេញ​ទៅសួរ​នាំ​ ក៏​កើត​ជា​រឿង​​វាយតប់គ្នា​បណ្តាល​ឱ្យ​ឈ្មោះសួន ភារម្យ ​រងរបួស ៕
http://img1.kohsantepheapdaily.com.kh/2011/3/4933d7da-95a5-43c1-bc0e-2378b5738258.jpg

Share

Twitter Delicious Facebook Digg Stumbleupon Favorites More